மேற்கிந்தியத் தீவுகளுக்கு எதிரான உலகக் கோப்பை 7-வது லீக் ஆட்டத்தில் தென் ஆப்பிரிக்கா 7 விக்கெட் வித்தியாசத்தில் வெற்றிபெற்றது.
தென் ஆப்பிரிக்காவின் டிவில்லியர்ஸ் 107 ரன்கள் எடுத்து அணியின் வெற்றிக்கு வழிவகுத்தார்.
முதலில் ஆடிய மேற்கிந்தியத் தீவுகள் அணி 47.3 ஓவர்களில் 222 ரன்களுக்கு ஆட்டமிழந்தது. பின்னர் ஆடிய தென் ஆப்பிரிக்க அணி 42.5 ஓவர்களில் 3 விக்கெட் இழப்புக்கு 223 ரன்கள் எடுத்து வெற்றிபெற்றது.
டாஸ் வென்ற தென் ஆப்பிரிக்க கேப்டன் ஸ்மித், பீல்டிங்கைத் தேர்வு செய்தார். வழக்கம்போல் வேகப்பந்து வீச்சாளர்களைப் பயன்படுத்தாமல் முதல் ஓவரை ஜோஹன் போத்தாவிடம் கொடுத்தார் ஸ்மித்.
அவரின் முயற்சிக்கு எதிர்பார்த்ததைப் போலவே பலனும் கிடைத்தது. ஆட்டத்தின் 3-வது பந்திலேயே கெயிலை வெளியேற்றினார் போத்தா. அவர் 2 ரன்கள் மட்டுமே எடுத்தார்.
இதன்பிறகு டேவன் ஸ்மித்துடன் ஜோடி சேர்ந்தார் டேரன் பிராவோ. ஸ்மித் நிதானமாக ஆட, பிராவோ அவ்வப்போது பவுண்டரிகளை விளாசினார். அவர் 55 பந்துகளில் அரைசதமடித்தார்.
அணியின் ஸ்கோர் 113 ரன்களை எட்டியபோது பிராவோ 73 ரன்கள் எடுத்து போத்தா பந்துவீச்சில் ஆட்டமிழந்தார். ஸ்மித்-பிராவோ ஜோடி இரண்டாவது விக்கெட்டுக்கு 111 ரன்கள் சேர்த்தது.
அடுத்த ஓவரில் ஸ்மித் 36 ரன்களில் வீழ்ந்தார். மிகவும் எதிர்பார்க்கப்பட்ட சர்வான் 2 ரன்களில் இளம் வீரர் இம்ரான் தாஹிரின் பந்துவீச்சில் வெளியேறினார்.
பின்னர் சந்திரபாலும், டிவைன் பிராவோவும் ஜோடி சேர்ந்தனர். பிராவோ 3 அபார சிக்ஸர்களை விளாசி விருந்து படைத்தார். 37 பந்துகளைச் சந்தித்த பிராவோ 40 ரன்கள் எடுத்து ஆட்டமிழந்தார். சந்தர்பால் 31 ரன்களில் ஆட்டமிழக்க அந்த அணியின் சரிவு தவிர்க்க முடியாததானது. இதனால் அந்த அணி 47.3 ஓவர்களில் 222 ரன்களுக்கு ஆட்டமிழந்தது.
தென் ஆப்பிரிக்கத் தரப்பில் இம்ரான் தாஹிர் 4 விக்கெட்டுகளை வீழ்த்தினார்.
பின்னர் ஆடிய தென் ஆப்பிரிக்க அணியில் ஆம்லா 14 ரன்களிலும், காலிஸ் 4 ரன்களிலும் அடுத்தடுத்து ஆட்டமிழந்தனர். ஸ்மித் நிதானமாக விளையாட, டிவில்லியர்ஸ் வழக்கம்போல் சரவெடியாய் வெடித்தார். 1 சிக்சர், 5 பவுண்டரிகளுடன் அரைசதமடித்தார்.
ஸ்மித் 45 ரன்களில் போôலார்ட் பந்துவீச்சில் ஸ்டம்பை பறிகொடுத்தார். பின்னர் டுமினி களம் புகுந்தார். டிவில்லியர்ஸ்-டுமினி ஜோடி மேலும் விக்கெட் விழாமல் பார்த்துக் கொண்டதோடு நேர்த்தியாக விளையாடியது. இதனால் அணியின் ஸ்கோர் வேகமாக உயர்ந்தது.
97 பந்துகளை சந்தித்த டிவில்லியர்ஸ் 2 சிக்ஸர்கள், 8 பவுண்டரிகளுடன் சதமடித்தார். 42.5 ஓவர்களில் 3 விக்கெட் இழப்புக்கு 223 ரன்கள் எடுத்து தென் ஆப்பிரிக்கா வெற்றிபெற்றது. டிவில்லியர்ஸ் 107 ரன்களுடனும், டுமினி 42 ரன்களுடனும் ஆட்டமிழக்காமல் இருந்தனர்.
ஸ்கோர் போர்டு மேற்கிந்தியத் தீவுகள்:
கெயில் (சி) காலிஸ் (பி) போத்தா 2 (3)
ஸ்மித் (சி) & (பி) தாஹிர் 36 (57)
டிஎம் பிராவோ எல்பிடபிள்யூ (பி) போத்தா 73 (82)
சர்வான் எல்பிடபிள்யூ (பி) தாஹிர் 2 (10)
சந்தர்பால் (சி) பீட்டர்சன் (பி) தாஹிர் 31 (51)
டிஜே பிராவோ ரன்-அவுட் (மோர்கல், டிவில்லியர்ஸ்) 40 (37)
தாமஸ் (சி) டுமினி (பி) தாஹிர் 15 (26)
போலார்ட் எல்டபிள்யூ (பி) ஸ்டெயின் 0 (1)
டேரன் சமி எல்பிடபிள்யூ (பி) ஸ்டெயின் 0 (4)
பென் (சி) மோர்கெல் (பி) ஸ்டெயின் 6 (8)
ரோச் நாட்-அவுட் 2 (6)
உதிரி: 15
மொத்தம் (47.3 ஓவர்களில் அனைத்துவிக்கெட் இழப்புக்கு) 222
விக்கெட் வீழ்ச்சி: 1-2 (கெயில்), 2-113 (டிஎம் பிராவோ), 3-117 (ஸ்மித்), 4-120 (சர்வான்), 5-178 (டிஜே பிராவோ), 6-209 (சந்தர்பால்), 7-213 (போலார்ட்), 8-213 (தாமஸ்), 9-213 (சமி), 10-222 (பென்)
பந்துவீச்சு:
போத்தா 9-0-48-2
ஸ்டெயின் 7.3-1-24-3
மோர்கெல் 8-0-35-0
காலிஸ் 3-0-21-0
தாஹிர் 10-1-41-4
பீட்டர்சன் 10-0-49-0
தென் ஆப்பிரிக்கா
ஆம்லா (சி) தாமஸ் (பி) ரோச் 14 (15)
ஸ்மித் (பி) போலார்ட் 45 (78)
காலிஸ் (சி) சமி (பி) பென் 4 (7)
டிவில்லியர்ஸ் (நாட்-அவுட்) 107 (105)
டுமினி (நாட்-அவுட்) 42 (53)
உதிரி 11
மொத்தம் (42.5 ஓவர்களில் 3 விக்கெட் இழப்புக்கு) 223
விக்கெட் வீழ்ச்சி: 1-15 (ஆம்லா), 2-20 (காலிஸ்),3-139 (ஸ்மித்)
பந்துவீச்சு:
பென் 10-0-51-1
ரோச் 8-0-42-1
டிஜே பிராவோ 2.1-0-12-0
சமி 8-0-40-0
போலார்ட் 7.5-0-37-1
கெயில் 6-0-26-0
ஸ்மித் 0.5-0-5-0
0 comments to "வெற்றியுடன் தொடங்கியது தென் ஆப்பிரிக்கா"